မြှောက်ပင့်ပြောဆိုခြင်းအပေါ် သာယာမိလိုက်တဲ့ အခိုက်တန့်ဟာ ပျက်စီးဆုံးရှုံးခြင်းတို့အတွက် ဘဝထဲမှာ နေရာပေးလိုက်ခြင်း ဖြစ်ပါတယ်…  စကားလုံးတိုင်းအပေါ်မှာ ဉာဏ်ပညာနဲ့ဆင်ခြင်ပြီး ချင့်ချိန်တက်မယ်ဆိုရင်တော့ ဆုံးရှုံးမှုဒဏ်ကနေ ရှောင်နိုင်ပါလိမ့်မယ် လူငယ်။

အရသာကောင်းတဲ့ အစားအစာတစ်ခုဖန်တီးချင်ရင် ချက်နည်းပြုတ်နည်းကောင်းမှ ဖြစ်နိုင်မယ်။ ထို့အတူဘဲ စီးပွားရေးလုပ်ငန်းတစ်ခု စတင်ပီး ဝင်ငွေတိုးပွားချင်တယ်ဆိုရင်တော့ နည်းလမ်းကောင်းတွေ သိထားမှရပါမယ်…. ဒီတော့ အချိန်မဆွဲဘဲ အခုဘဲ အကောင်အထည်ဖော်လိုက်ပါ လူငယ်။

အကြောက်တရားဟာ အခွင့်လမ်းတွေကို ဖုံးကွယ်ထားတက်တဲ့ အစွမ်းရှိပါတယ်… ဒီအထဲကမှာ ကိုယ့်ကိုကိုယ် နာကျင်ပင်ပန်းရမယ်ဆိုတဲ့ အကြောက်တရားတွေရဲ့ နောက်ကွယ်မှာမှ အခွင့်အလမ်းတွေဟာ အများဆုံးရှိနေတာပါ… ဒီတော့ ပန်းတိုင်အတွက် ၊ အောင်မြင်မှုအတွက် အခွင့်အလမ်းတွေရနိုင်ဖို့ ဆိုရင်တော့ သက်တောင့်သက်သာဖြစ်ခြင်းကို စွန့်လွှတ်မှရနိုင်မယ်ဆိုတာ မမေ့ပါနဲ့ လူငယ်။

လူတိုင်းလူတိုင်းမှာ အားနည်းချက်ဆိုတာ ရှိပါတယ်… အဲ့ဒီအားနည်းချက်ကို ထိုင်ကြည့်ပြီး စိတ်ဓာတ်ကျနေမယ်ဆိုရင်တော့ ကိုယ့်မှာရှိနေတဲ့ အစွမ်းအစတွေပါ ပျောက်ဆုံးသွားတတ်ပါတယ်… ဒီတော့ အားနည်းချက်တွေကို အားသာချက်အဖြစ်ပြောင်းလဲ ရှိနေတဲ့အစွမ်းအစတွေကို အသုံးပြုပြီး အောင်မြင်မှုတွေကို အခုပဲ ရယူဖို့ ကြိုးစားလိုက်ပါ လူငယ်။

အခက်အခဲတွေကြားကနေ ငြီးငြူရင်း ကံကောင်းခြင်းတွေရဖို့ကို မျှော်လင့်ဆုတောင်းမနေပါနဲ့… ကြုံတွေ့နေရတဲ့ ပြဿနာအခက်အခဲတိုင်းကို ရဲရဲကြီး ရင်ဆိုင်ပါ..ကျော်ဖြတ်ပါ… ဒီအတိုင်းပဲ ရှောင်လွှားနေဦးမယ်ဆိုရင်တော့ ကိုယ့်ရဲ့အောင်မြင်မှုဟာ မမြင်နိုင်တဲ့ အဝေးဆုံးအရပ်မှာ ခြေစုံရပ်နေလိမ့်မယ် လူငယ်။

လေးလံတဲ့ဝန်ထုတ်တွေ ထမ်းထားတယ့်သူဟာ လိုရာခရီးကိုမရောက်ခင် ခြေကုန်လက်ပန်းကျပြီး ဒုက္ခရောက်နိုင်သလို အတိတ်ကနာကျင်မှုတွေကို အခုပစ္စုပ္ပန်အထိ ယူဆောင်လာတဲ့လူဟာလည်း အနာဂတ်ခရီးရဲ့ အဆုံးပန်းတိုင်ထိ ရောက်နိုင်မှာမဟုတ်ပါဘူး ဒီတော့ အတိတ်ကနာကျင်မှုတွေကို မေ့ပစ်ခဲ့ပါတော့ လူငယ်။