လက်ရှိဖြစ်ပျက်နေတဲ့ အခက်အခဲတွေကြောင့် စိတ်ဓာတ်မကျပါနဲ့ လူငယ်… ကျနော်တို့ရဲ့ ပန်းတိုင်ကို သွားဖို့ ရောက်နိုင်ဖို့ လမ်းပေါင်းများစွာရှိပါတယ်… အဓိကကတော့ သွားချင်တဲ့ ပန်းတိုင်တစ်ခုရှိဖို့ပါပဲ လူငယ်…

အခက်အခဲတိုင်းဆီမှာ အခွင့်အလမ်းတွေရှိနေပါတယ်။ ပြီးတော့ မင်းဘဝကိုတစ်ဆင့်မြင့်စေမယ့် လှေကားထစ်တွေလည်း ဖြစ်တယ်။ ဒီတော့ တွေ့ရတယ့်အခက်အခဲ ကြုံရတဲ့ စိန်ခေါ်မှုတွေကို ရင်ဆိုင်ပါ။ ဖြေရှင်းပါ။ ကျော်ဖြတ်ပါ။ အနိုင်ယူပါ။ အခက်အခဲနဲ့စိန်ခေါ်မှုတွေကိုကြောက်လို့ ရှောင်နေခဲ့ရင် ရှုံးနိမ့်သူပဲ ဖြစ်ပါလိမ့်မယ်။

တစ်ဦးကိုတစ်ဦး ဖေးမကူညီခြင်းဟာ လူ့လောကရဲ့ အလှပဆုံးသော အရာတစ်ခုပါပဲ… ကိုယ်အားစိုက်မထုတ်ရဘဲ ကူညီလိုက်တဲ့ အရာတစ်ခုဟာ တခြားလူတစ်ယောက်အတွက် အကျိုးများစေနိုင်တာတွေ အများကြီးပါ… ဒီတော့ လူငယ်ရော ကိုယ်နဲ့မဆိုင်သလိုပဲ ဆက်နေနေဦးမှာလား…?

အချစ်ဆိုတာ လက်ထဲမှာရှိတဲ့ သဲတွေလိုပါပဲ အားနဲ့တင်းတင်းကျပ်ကျပ်ဆုပ်ကိုင်ထားလေလေ တဖြည်းဖြည်း ဖိတ်စင်ပြီး ဘာမှမရှိလေ မကျန်လေပဲ…. ဒီတော့ ကိုယ်ပိုင်ဆိုင်ချင် ကိုယ်နဲ့နီးစပ်ချင်တယ့်အရာတွေကို နီးစပ်ပိုင်ဆိုင်ရဖို့ သူတို့ကို အတောင်ပံတွေသာ တပ်ပေးလိုက်ပါ လူငယ်။

အတွေ့အကြုံဗဟုသုတတွေဟာ စုဆောင်းသိမ်းစည်းထားရုံအတွက်ဆို အကျိုးများမှာအဟုတ်ပါဘူး… လိုက်နာကျင့်သုံးမှသာလျှင် လက်တွေ့အကျိုးပြုမှာဖြစ်ပါတယ်… လူငယ်ရော ကိုယ့်မှာရှိတဲ့ အတွေ့အကြုံဗဟုသုတတွေကို ခုချိန်ထိ သိမ်းဆည်းထားတုန်းပဲလား…?

ပညာရပ်တိုင်းဟာ အဖိုးမဖြတ်နိုင်တဲ့ ဝီရိယနဲ့ ကြိုးစားအားထုတ်မှုတို့ စုပေါင်းထားတာပါ…အဲ့ဒီတော့ ပညာရပ်တိုင်းကို အလေးထားပါ…ဒီလိုဘဲ ကိုယ်တက်ထားတယ့် ပညာရပ်တစ်ခုကို ကိုယ်ကိုတိုင် တန်းဖိုးထားပါ…တပါးသူဆီမှာရှိတဲ့ ပညာရပ်ကိုလဲ လေးစားပါ လူငယ်။